ئێستا هۆكاری زۆربوونی بازگەکانی ناوشاری کەرکوك ئاشكرادەكات

گەر بە شەقامێكی ناوشاری كەركوك-دا گوزەربكەیت، بە ئەگەری زۆرەوە ڕووبەڕووی بازگەیەكی هێزە ئەمنییەكان دەبیتەوە، دیاردەیەك كە ماوەی چەند ڕۆژێكە دانیشتووانی شارەكەی نیگەرانكردووە، تۆڕی میدیایی ئێستا بەدوای هۆكارەكەیدا دەڕوات و ئاشكرایدەكات.

ماوەی زیاتر لە هەفتەیەکە، هێزی ئەمنی لە ناوشاری کەرکوک بڵاوەیان پێكراوە و لە چەندین شەقامدا بازگە دانراون، تانک و زرێپۆش و چەکی جۆراوجۆر لە بازگەکانی ناوشاردا دەبینرێن. هاوڵاتییان بە نیگەرانییەوە لە دانانی ئەو ژمارە زۆرەی بازگە و بڵاوەپێكردنی هێز لە ناوشارەکەیاندا دەڕوانن.

ئەحمەد شۆفێری تەکسییە و قسەی بۆ تۆڕی میدیایی ئێستا كردووە، ئەو دەڵێت، زۆربوونی ژمارەی بازگەی هێزە ئەمنییەکان ئاستەنگیی زۆری بۆ دروستکردوون و بە هەر شەقام و گەڕەکێکدا بڕوات، دەبێت بە چەندین بازگەدا تێپەڕببێت و ئەوەش کاتێکی زۆریان لێدەبات.

بۆ زانینی هۆكاری ئەو گۆڕانكارییە ئەمنییە، تۆڕی میدیایی ئێستا گفتوگۆی لەگەڵ عامر نوری وتەبێژی پۆلیسی کەرکوک-دا كرد، ئەو زۆربوونی ژمارەی بازگەکان بۆ گرتنەبەری ڕێوشوێنی ئەمنی دەگەڕێنێتەوە و دەڵێت، بەپێی سەرچاوەی زانیارییە هەواڵگرییەکانیان، بازگەی کاتی دادەنێن بۆ ڕێگریكردن لە تێکدانی ئارامیی شارەکە و دەستگیرکردنی داواکراوان.

بەپێی ڕاگەیەندراوی بەڕێوەبەرایەتیی پۆلیسی کەرکوک، لە ماوەی مانگێکدا تەنها لە بازگە کاتییەکانی ناوشاردا زیاتر لە 100 کەس بەتۆمەت و تاوانی جۆراوجۆر دەستگیرکراون و ڕەوانەی دادگا کراون.

بابەتی پێشتر

دادگای فیدراڵی: هەرێم دانیناوە بە گواستنەوەی نەوت بۆ ‏ئیسرائیل

بابەتی دواتر

دانیشتووانى عێراق 41 ملیۆنی تێپەڕاند

بابەتی پەیوەندیدار
زیاتر ببینە

بەنزین گەیشتە هەرێم

حكومەتی هەرێم رایدەگەیەنێت، زیاتر لە 500 هەزار لیتر بەنزین گەیشتە هەرێمی كوردستان و بە نرخی 750 دینار دابەشدەكرێت.…
Total
0
Share