سەرۆك وەزیرانی عێراق لە حەنانە لەگەڵ موقتەدا سەدر، سەرۆكی ڕەوتی سەدر كۆبووەوە.
دەستەی سیاسیی ڕەوتی سەدر لە ڕاگەیەندراوێكدا ئاشكرایكرد، ئێوارەی ئەمڕۆ كۆبوونەوەیەكی داخراو لەنێوان مستەفا كازمی، سەرۆك وەزیرانی عێراق و موقتەدا سەدر، سەرۆكی ڕەوتی سەدر لە حەنانە-ی شاری نەجەف ئەنجامدراوە.
دەستەكە هیچ زانیارییەكی دیكەی سەبارەت بە ناوەرۆكی كۆبوونەوەكە بڵاونەكردووەتەوە.
بەڵام لە ڕاگەیەندراوەكەدا دروشمەكەی ئەمدواییەی سەدر “نە ڕۆژهەڵاتی و نە ڕۆژئاوایی، حكومەتی زۆرینەی نیشتمانی” دووپاتكردووەتەوە.
كۆبوونەوەكە پاش سەردانێكی ئەمڕۆی كازمی دێت بۆ نەجەف و بەشداریكردنی لە مەراسیمێكی تایبەت بە یادی لەدایكبوونی ئیمام عەلی كوڕی ئەبوتالیب لەو شارە.
