وه‌زاره‌تی ته‌ندروستیی هه‌رێمی كوردستان ڕایگه‌یاند، تێکەڵکردنی ڤۆڵتارین و دیکادرۆن لە یەک سرنجدا کە بە “تێکەڵە” ناسراوە، قەدەغەیە، چونكە وەك دەڵێت، مەترسیی تەندروستی لێدەكەوێتەوە.
وه‌زاره‌ته‌كه له نووسراوێكدا كە ئاراسته‌ی به‌ڕێوه‌به‌رایه‌تییه‌كانی ته‌ندروستیی پارێزگا و ئیداره سه‌ربه‌خۆكانى كردووه، بڕیاریداوه به قه‌ده‌غه‌كردنی دەرزیی “تێکەڵە”.
هه‌ر به‌پێی نووسراوه‌كه، تێکەڵکردنی ھەردوو ئەمپوڵی دەرمانی “ڤۆڵتارین و دیکادرۆن” لە یەک سرنجدا کە لەناو خەڵکیدا بە “تێکەڵە” ناسراوە، قەدەغەیە، ئەویش بەھۆی ئەو زیان و کاریگەرییە تەندروستییە مەترسیدارانەی کە لێی دەکەوێتەوە.
