لە ماوەی پێشوودا ئاشکرابوو کە گابریێل گارسیا مارکیز، لە دەرەوەی هاوسەرگیری کچێکی لە ژنێکی دیکە هەبووە جیا لە “مێرسیدس”ی هاوژینی خۆی.
ڕۆژنامەی “ئێل یونیڤێرسال”ی مەکسیکی ئاشکرایکرد، گابریێل گارسیا مارکیز، ڕۆماننووسی ئەمریکای لاتین و خاوەنی خەڵاتی نۆبڵی ئەدەب، لەگەڵ سوسانا کاتۆی ڕۆژنامەنووسی مەکسیکیدا، لە نەوەدەکانی سەدەی پێشووەوە بە نهێنیی کچێکیان بووە و لە ئێستادا بە ناوی دایکییەوە دەژی، نەک مارکیز.
ئەمە لەکاتێکدایە کە ئەو نووسەرەی لە ئەمریکای لاتین کتێبەکانی فرۆشیان لە کتێبی ئینجیلیش زیاترە، لەڕووی ژیانی تایبەتیی خۆیەوە زۆر داخراوبوو و هەردەم شانازی بە خۆشەویستی و وەفادارییەوە دەکرد بۆ “مێرسیدس”ی هاوژینی.
گابریێل گارسیا مارکیز بە یەکێک لە باشترین نووسەرەکانی سەدەی پێشوو دادەنرێت و لە ساڵی 1982دا خەڵاتی نۆبڵی ئەدەبی پێدرا، ئەمەش لەبەرامبەر دوو ڕۆمانە سەرەکییەکەیدا: “سەد ساڵ تەنیایی” و “ئەوین لە سەردەمی کۆلێرادا”.
