په‌رله‌مانتارێكى ده‌وڵه‌تى یاسا به‌شێك له لایه‌نه سیاسییه‌كان تۆمه‌تبارده‌كات كه له‌پشتى ڕووداوه ئه‌منییه‌كان و كرده‌وه تیرۆرییه‌كان بن.
غه‌سان ئه‌بو ڕه‌غیف، په‌رله‌مانتارى ده‌وڵه‌تى یاسا به میدیا عێراقییه‌كانى وتووه، ئه‌و كرده‌وه تیرۆرییانه‌ى كه‌‌له پارێزگاكانی باشورى عێراقدا ڕووده‌ده‌ن دروستكراون و له‌لایه‌ن هێزه سیاسییه‌كانی ناوخۆوه به‌ڕێوه‌ده‌برێن.
پێشیوایه، ئه‌و كرده‌وانه به‌مه‌به‌ستی تێكه‌ڵكردنی كارته‌كان و ناسه‌قامگیركردنی ئارامی و ئاسایشی ناوخۆیه.
ئه‌و په‌رله‌مانتاره‌ى ده‌وڵه‌تى یاسا جه‌ختیشی كردووه‌ته‌وه، “دۆسیه‌ی ئه‌منی په‌یوه‌ندی به ناكۆكی و جیاوازییه سیاسییه‌كانه‌وه هه‌یه، چونكه خراپی بارودۆخی سیاسی كاردانه‌وه‌ی له‌سه‌ر بارودۆخی ئه‌منی وڵات ده‌بێت”.
