وەزارەتی دارایی عێراق رەتیدەکاتەوە بەهۆی نەبوونی سیولەوە دابەشکردنیی مووچەی مانگی شوبات لە عێراق وەستابێت.
وەزارەتی دارایی عێراق لە راگەیەندراوێکدا بڵاویکردەوە، سەرمان سووڕماوە لە لێدوانی هەندێک کەسایەتی سیاسی و راگەیاندن کە دەنگۆی ئەوەیان بڵاوکردووەتەوە کە سیولەی پێویست بۆ دابەشکردنی مووچە لەبەردەستدا نییە.
هەر لە راگەیەندراوەکەدا هاتووە، بەپێی یاسا و لە داهاتی نەوتی و نا نەوتی سیولەی پێویست بۆ دابەشکردنی مووچەی فەرمانبەران و سوودمەندانی چاودێری کۆمەڵایەتی و خانەنشینان بەبێ دواکەوتن و دروستبوونی کێشە لەبەردەستدایە.
ئاشکراشیکرد، ئێمە هیچ لێدوانێکمان لەبارەی دواکەوتنی مووچەوە نەداوە، تەنانەت رۆژانی هەینی و شەممەش فەرمانبەرانمان کاریان کردووە بە مەبەستی بەردەوامی لە دابەشکردنی مووچەدا.
