هەردوو یاریزان كەریم بنزیمە-ی فەڕەنسی و نێیمار-ی بەرازیلی لەژێر هەڕەشەی بەشدارینەكردنن لە یارییەكەی قۆناغی شانزەی چامپیۆنز لیگ.
بڕیارە 15ی ئەم مانگە لە یاریگای باخچەی شازادەكان، لە قۆناغی شانزەی چامپیۆنز لیگ، كاتژمێر 11:00ی شەو، پاریس سان جێرمانی فەڕەنسی میوانداریی ڕیاڵ مەدریدی ئیسپانی بكات.
هەردوو یاریزان نێیماری بەرازیلی و بنزیمەی فەڕەنسی لەژێر هەڕەشەی یارینەكردندان.
نێیمار لە قۆناغی كۆتایی چارەسەری پێكانەكەیدایە و ئامادەیە بۆ یاریكردن، بەڵام لە ڕووی جەستەییەوە دۆخی باشنییە و ماوەیەكی زۆرە لە ڕیتمی یاریكردن دووركەوتووەتەوە.
بەهەمان شێوە كەریم بنزیمە هێشتا لە پێكان چاكنەبووەتەوە و تیمی پزیشكیی یانەكە پێیوایە لە ڕووی جەستەییەوە %100 بۆ یاریكردن بەرامبەر پاریس ئامادەنابێت.
بەشداریكردنی هەردوو یاریزانەكە دەكەوێتە سەر قسەی ڕاهێنەرەكانیان و لەلایەن تیمی پزیشكییەوە ڕێگەپێدراو نابن.
