قائیمقامیەتی سلێمانی: لەبەر دەیان هۆكار باخی گشتی وەك خۆی دەمێنێتەوە

باخی گشتیی سلێمانی

قائیمقامیەتی سلێمانی ڕەتیدەکاتەوە هیچ هەوڵێک هەبێت بۆ کردنی باخی گشتی بە پڕۆژەی ‏بازرگانی، پێشتریش شارەوانیی سلێمانی بەهەمان شێوە ئەو دەنگۆیانەی ڕەتکردبووەوە. ‏

لە ڕاگەیەندراوێکدا قائیمقامیەتی سلێمانی ئاشکرایکرد، بەھیچ شێوەیەک ھیچ ھەوڵێکی ‏لەوشێوەیە لە ئارادانییە، ڕێگەش بەوەنادرێت ئەم شوێنە گرنگ و مێژوویەی شار بکرێتە ‏ئامانج یان زیانی پێبگەیەندرێت.‏

قائیمقامیەتی سلێمانی نیگەرانیشە لە بڵاوکردنەوەی ئەو دەنگۆیانە. ‏

لە ڕاگەیەندراوەکەدا هاتووە، “باخی گشتیی سلێمانی، کە لە ساڵی 1937 دروستکراوە ‏دێرینترین و گرنگترین باخەکانی ئەم شارەیە، بەشێکی گرێدراوە لەگەڵ مێژووی ‏شارستانیی سلێمانی و یادەوەریی خەڵکەکەی، لەبەر دەیان ھۆکاری دیکە، ڕێگەنادرێت ئەم ‏سیما جوان و دیارەی شار لەناوببرێت، یان زیانی پێبگەیەندرێت”.‏

بۆیە قائیمقامیەتی سلێمانی دڵنیایی بە ڕای گشتی و ھەموو لایەک دەدات، “باخی گشتی و ‏سەرجەم شوێنە گرنگ و مێژووییەکانی سلێمانی وەک ناسنامەی سلێمانی و خەڵکەکەی ‏ھەر بە پارێزراوی دەمێننەوە”.‏

بابەتی پێشتر

توركیا و گروپە چەكدارەكان دەوروبەری حەسەكە بۆردومان دەكەن

بابەتی دواتر

لە ڕووداوێكی هاتوچۆدا سێ برا گیانیان لەدەستدا

بابەتی پەیوەندیدار
Total
0
Share