تەندروستیی سلێمانی: هەر فەرمانبەرێک ڤاکسینی وەرنەگرتبێت مووچەی پێنادرێت

بەڕێوەبەرایەتیی گشتیی تەندروستیی سلێمانی ڕایگەیاند، نووسراو ئاراستەی سەرجەم نەخۆشخانە و سەنتەر و مەڵبەندە تەندروستییەکان کراوە کە بەبێ کارتی ڤاکسین، مووچەی مانگی دوو بە هیچ کارمەندێک نەدرێت.

بەپێی نووسراوێکی بەڕێوبەرایەتیی گشتیی تەندروستیی سلێمانی كە ئاراستەی سەرجەم نەخۆشخانە و سەنتەر و مەڵبەند و بنکە تەندروستییەکان و هەردوو بەڕێوبەرایەتیی تەندروستیی چەمچەماڵ و دەربەندیخان کراوە، بەبێ وەرگرتنی ڤاکسین و نیشاندانی کارتی ڤاکسین مووچەی مانگی دوو بە هیچ فەرمانبەر و کارمەندێک نەدرێت تا ژەمی ڤاکسین و کارتی ڤاکسینی دژە کۆرۆنا وەردەگرێت.

تەندروستیی سلێمانی ڕاشیگەیاندووە، “ئەم هەنگاوە لەپێناو پابەندبوونی هەمووان بە بە کارهێنانی ڤاکسین و سەلامەتی و تەندروستیی هەموو لایەکدایە.”