بەڕێوەبەرایەتیی گشتیی ئاسایشی هەولێر ڕایگەیاند، بکوژی ئەو هاوڵاتییەی شەوی ڕابردوو لە گوندێکی سنووری قوشتەپە لە ماڵەکەی خۆیدا کوژرا خۆی ڕادەستکردووە و ڕووبەڕووی سزای یاسایی دەبێتەوە.
لە ڕاگەیەندراوێکدا ئاسایشی هەولێر ئاشکرایکرد، ” پاش روداوی کوشتنی هاولاتی (ئەحمەد لەتیف سلێمان ) دوێنێ شەو ٣-٢-٢٠٢٢ لە ناو ماڵەکەی لەگوندێکی سنوری ناحیەی قوشتەپە لەسەر کێشەیەکی کۆمەڵایەتی، توانرا تۆمەتباری سەرەکی دەستنیشان بکرێت”.
بەپێی ڕاگەیاندراوی ئاسایشی هەولێر، تۆمەتبارەکە ناوی (س.ی. ق)ـە و ئەمشەو خۆی ڕادەستی هێزەکانی ئاسایش کردووە.
ئاسایشی هەولێر ئاماژەی بەوەکردووە، تۆمەتبارەکە دەدرێتە لایەنی پەیوەندیدار بۆ گەیاندنی بە سزا.
