دابەشکردنی مووچەی مانگی شوبات بەردەوامە و ئەمڕۆ چەند شوێنێکی دیکە مووچە وەردەگرن، کە ژمارەیان دەگاتە 13 وەزارەت و شوێن.
بەپێی ئەو لیستەی وەزارەتی دارایی و ئابوریی حکومەتی هەرێمی کوردستان، تایبەت بە دابەشکردنی مووچەی مانی شوبات بڵاویکردووەتەوە، ئەمڕۆ سێشەممە مووچەی مانگی شوباتی 13 وەزارەت و شوێن دابەشدەکرێت، کە بریتین لە: (کاروباری کۆمەڵایەتی، رۆشنبیری و لاوان، کارەبا، ئەوقاف و کاروباری ئاینی، خوێندنی باڵا و توێژینەوەی زانستی، سەرۆکایەتی پەرلەمان، سەرۆکایەتی ئەنجومەنی وەزیران، سەرۆکایەتی هەرێم، پێشمەرگە”دیوان و لیواکان”، یەکەی 70 و 80، ب.پۆلیسی دام و دەزگا نەوتییەکان، ئەنجومەنی ئاسایش و دەزگای ئاسایش، هێزی زێرەڤانی و فەرماندەی بەرگریی فریاکەوتن).
هەر بەپێی لیستەکە ئەمڕۆ دوای دابەشکردنی مووچەی ئەم وەزارەت و شوێنانە، کۆتایی بە پڕۆسەی دابەشکردنی مووچەی مانگی شوباتی ئەمساڵ دێت.
