ڕێكخراوێكی بەریتانی ئاشكرایدەكات، زیاتر لە 250 ملیۆن كەس لەجیهاندا بەهۆی كاریگەری و لێكەوتەكانی ڤایرۆسی كۆرۆنا و جەنگی ئۆكرانیاوە كە نرخی ماددە خۆراكییەكان گرانبووە دووچاری هەژاری سەخت بوونەتەوە.
ڕێكخراوی ئۆكسفامی بەریتانی لە ڕاپۆرتێكدا هۆشداریداوە كە پێشبینیدەكرێت 860 ملیۆن كەس تا كۆتایی ئەمساڵ دووچاری هەژاری سەخت دەبنەوە.
لە ڕاپۆرتەكەدا هاتووە، بەرزبوونەوەی نرخی شمەك و ماددە خۆراكییەكان لە جیهان بەهۆی جەنگی ئۆكرانیاوەیە كە 65 ملیۆن كەس دووچاری هەژاری سەخت بوونەتەوە و 198 ملیۆن كەسیش بەهۆی كاریگەری و لێكەوتەكانی ڤایرۆسی كۆرۆناوە دووچاری هەژاری بوونەتەوە.
