توێژینەوەیەک: لە داهاتوودا 3 ملیار کەس لە دۆخێکدا دەژین کە مرۆڤ بەرگەی ناگرێت

توێژینەوەیەکی نوێ گەیشتووە بەو ڕاستییەی ئەگەر پلەی گەرمای هەسارەی زەوی بەردەوام لەزیادبووندا بێت و لە ئاستی پلەی گەرمای ئێستای بەرزتر ببێتەوە، ئەوا لە ماوەی پەنجا ساڵی داهاتوو، ملیاران مرۆڤی سەرزەوی لە ناوچە گەرمەکان تووشی زیان دەبن و بەرگەی ناگرن.

بەپێی توێژینەوەی تیمێکی نێودەوڵەتی کە لە چەند زانایەکی بواری شوێنەوارناسی و کەشوهەوا و ژینگە پێکهاتوون و توێژینەوەکەیان لە گۆڤاری “ئەکادیمیای نیشتمانی بۆ زانستەکان” بڵاوکردووەتەوە، وردەکاریی دۆخی بەردەوامیی گەشەی گازی ماڵی شووشەیی و بەرزبوونەوەی پلەکانی گەرما و کاریگەری لەسەر مرۆڤ خراوەتە ڕوو.

بەپێی توێژینەوەی زاناکان، لە ساڵی 2070ـدا، نزیکەی 3 ملیار دانیشتووی سەر زەوی لە دۆخی سەختی گەرمتردا دەژین کە شەش هەزار ساڵی پێشوو بەخۆیەوەی نەبینیوە کە بەو هۆیەوە [واتە بەهۆی زۆر بەرزنەبوونەوەی پلەکانی گەرما] مرۆڤ توانیویەتی لەسەر هەسارەکە بژی.

توێژینەوەکە ئەوەی خستووەتەڕوو کە لە بەرانبەر 1 پلەی سیلیزی گەرمبوونی هەسارەی زەوی، ملیاران کەس ناچار دەبن کە شوێنەکانیان بەجێبهێڵن و ڕووبکەنە ناوچە ساردترەکان یاخود خۆیان ڕابهێنن لەگەڵ بارودۆخی گەرمای سەخت.

لەوبارەیەوە، تیم کۆهلەر، شوێنەوارناس لە زانکۆی واشنتن و یەکێک لە نووسەرانەی توێژینەوەکە بە تۆڕی هەواڵی “CNN”ی وتووە کە ئەم دۆزینەوە و دەرەنجامانە دەکرێت وەک خراپترین کەیس و ئەگەر تەماشا بکرێت یان وەک سیناریۆی “چی ڕوودەدات ئەگەر [لە بواری ژینگەدا] ڕێگەی خۆمان نەگۆڕین؟”

بابەتی پێشتر

چۆنیەتیی فێربوونی هونەری ئەتەکێت

بابەتی دواتر

نامەی سەربازێکی بەریتانی دوای 80 ساڵ دەگاتە دەستی براکەی

بابەتی پەیوەندیدار