یەكێتیی ئەوروپا پڕۆژەیەكی ئامادەكردووە لەبارەی ئامێرەكانی مۆبایلەوە و دەیەوێت كۆمپانیاكانی دروستكردنی ئەو ئامێرە ناچاربكات یەك جۆر وایەری بارگاویكردنەوە بەكاربهێنن.
یاسادانەرانی یەكێتیی ئەوروپا، پڕۆژەكەیان پەسەندكرد و دەڵێن، ماوەی 10 ساڵە فشار لە كۆمپانیاكانی دروستكردنی مۆبایل دەكەن بارگاویكەرەكان یەكبخەن، بەڵام ئەوان نەگەیشتوون بە ڕێككەوتن، بۆیە پڕۆژەیەكیان بۆ ئەو مەبەستە ئامادەكردووە و بە جێبەجێكردنی، “ژیانی بەكارهێنەرانی ئامێرەكان ئاسانتردەبێت و پارەیان بۆ دەگەڕێتەوە”.
بەپێی پڕۆژەكەی یەكێتیی ئەوروپا، بارگاویكەرەكانی سامسۆنگ و ئایفۆن نامێنن و هەموو ئامێرەكانی مۆبایل، تابلێت و كامێراكان بە وایەری جۆری “تایپ سی” بارگاویدەكرێنەوە.
كۆمپانیای ئەپڵی ئەمریكی ناڕازییە لەو پڕۆژەیە و دەڵێت، “زیان لە پرۆسەی داهێنان دەدات و ئەگەر جێبەجێبكرێت، چەندین گرد لە پاشماوەی ئەلیكترۆنی دروستدەبن”.
