وەزارەتی ناوخۆی تورکیا ئاشکرایکرد، تەرمی 12 کۆچبەریان دۆزیوەتەوە کە سەرجەمیان لەسەرما ڕەقبوونەتەوە و پاسەوانانی سنووری یۆنان تۆمەتباردەکەن بە ناردنەوەی ئەو کۆچبەرانە بەبێ جلوبەرگ و هۆکاری ڕەقبوونەوەیان.
وەزارەتی ناوخۆی تورکیا ڕایگەیاند، 12 کۆچبەر کە لەلایەن پاسەوانانی سنووری یۆنانەوە دیپۆرتکراونەتەوە بۆ تورکیا و جلوبەرگەکانیان لێسەندراوە، لەسەرما ڕەقبوونەتەوە و ئەمڕۆ تەرمەکانیان دۆزراونەتەوە.
سولەیمان سۆیلو وەزیری ناوخۆی تورکیا لە تویتێکدا کە وێنەی تەرمی ژمارەیەک کۆچبەری بڵاوکردووەتەوە ڕایگەیاندووە، “لەکۆی 22 کۆچبەر 12یان لەسەرما ڕەقبوونەتەوە بەهۆی ئەوەی لەلایەن هێزەکانی سنووری یۆنانەوە گەڕێندراونەتەوە تورکیا و سەرجەم جلوبەرگەکانیان لێسەندراوە و بووەتەهۆی مردنیان”.
ئەو تەرمانە لە ناوچەی ئیبسالا لە سنووری نێوان تورکیا و یۆنان دۆزراونەتەوە.
نووسینگەی پارێزەری ناوچەکە پێشتر ڕایگەیاندبوو، 11 کۆچبەریان بەتەواوی گیانیان لەدەستداوە و دەرفەتی ڕزگارکردنیان نەبووە، یەکێکیان گواستراوەتەوە بۆ نەخۆشخانە بەڵام دواتر گیانیلەدەستداوە.
📆 02.02.2022
📍 Greece Ipsala Border12 of the 22 migrants pushed back by Greek Border Units, stripped off from their clothes and shoes have frozen to death.
EU is remediless, weak and void of humane feelings.
Greek border units thug against victims, tolerant towards FETO pic.twitter.com/EP1TOqsGCB
— Süleyman Soylu (@suleymansoylu) February 2, 2022
