دێمبلی خوازیارە ئیدارەی بەرشلۆنە پەشیمان ببنەوە لە سزادانی و لە یارییەكانی كۆتایی وەرز بەشداری بكات و ئیدارەی یانەكەش سورە لەسەر جێبەجێكردنی یاساكانی.
یانەی بەرشلۆنە هەوڵێكی زۆری دا لە گواستنەوەی زستانەدا دەستبەرداری دێمبلی ببێت و بیفرۆشێت، بەڵام یاریزانە فەڕەنسییەكە دواجار بڕیاریدا تا كۆتایی وەرز بمێنێتەوە.
ئیدارەی بەرشلۆنە بڕیاریدابوو گەر دێمبلی نەڕوات، تا كۆتایی وەرز یاریی پێنەكات و لەسەر كورسی یەدەگ داینێت.
ئێستاش كە نەڕۆیشتووە، پێیانوتووە بڕیارەكە ناگۆڕدرێت و لەسەر كورسی یەدەگ دەمێنێتەوە تا كۆتایی وەرز.
دێمبلی لە ڕێگەی بەڕێوەبەری كارەكانییەوە هەوڵی داوە كێشەكانی لەگەڵ بەرشلۆنە چارەسەر بكات بەڵام لاپۆرتای سەرۆكی بەرشلۆنە سورە لەسەر ئەوەی لەسەر كورسی یەدەگ دایبنێن.
