ڕاوێژكاری ئاسایشی نەتەوەیی عێراق بە ئەوروپای وتووە، پێویستە وڵاتان داعشەكانیان كە لە گرتووخانەكانی ڕۆژئاوای كوردستانن، دادگایی بكەن، چونكە ژمارەیان 10 هەزار تیرۆریستن و مەترسیی ڕاستەقینەن.
قاسم ئەعرەجی، ڕاوێژكاری ئاسایشی نەتەوەیی عێراق ڕایگەیاند، لە كۆبوونەوەكانی دوێنێیان لەگەڵ ناتۆ و ئەمڕۆش لەگەڵ باڵیۆزەكانی دەنیمارك و سوید و نەرویج، باسیان لە مەترسیداری ئەو چەكدارانەی داعش كردووە كە لە گرتووخانەكانی هەسەدەن.
ئاشكرایكردووە كە داوای لە وڵاتان كردووە ئەو هاوڵاتییانەیان كە سەر بە داعشن، بیانگەڕێننەوە و لە وڵاتەكانی خۆیاندا دادگاییان بكەن.
ئەعرەجی تویتێكی لەو بارەیەوە بڵاوكردووەتەوە و دەڵێت، پێمانڕاگەیاندن 10 هەزار تیرۆریستی داعش كە سەر بە 50 وڵاتن، ئێستا لە لە گرتووخانەكانی هێزەكانی سوریای دیموكرات (هەسەدە)دان لە حەسەكە، ئەوانە هەڕەشەیەكی ڕاستەقینەن بۆسەر ناوچەكە و جیهان.
