بەشێوەیەكی فەرمی فرانك لامپاردی ئینگلیزی، بۆ ماوەی دوو ساڵ و نیو گرێبەستی لەگەڵ یانەی ئیڤەرتۆن ئیمزاكرد.
پێگەی یانەی ئیڤەرتۆن ئاشكرایكرد، لامپارد ئەمڕۆ دووشەممە وەك ڕاهێنەری نوێ بە ڕاگەیاندنەكان دەناسێنرێت.
لامپارد پێشتر لە ڕاهێنەرایەتی یانەی چێڵسی دوورخرایەوە و تۆخێل خرایە جێگەكەی، ئەوەش پاش ئەوەی كۆمەڵێك ئەنجامی خراپیان بەدەستهێنا.
یانەی ئیڤەرتۆن بۆ باشبونی ئەنجامەكانی، دەستبەرداری رافایل بینیتێز بوو، لەجێگەكەی ئەو ، لامپاردی دیاریكردوە.
جگە لە دانانی لامپارد، ئیدارەی یانەكە لە كڕینی ڤان دی بیكی یاریزانی مانچستەر یونایتدیش نزیكبۆتەوە.
