ئێوارەی ئەمڕۆ بە نیشانەشکێن هێرشکراوەتە سەر خاڵێکی لیوای سێی پۆلیسی فیدراڵی لە نزیک گوندی ئەحمەد تەیار لە قەزای حەویجە و بەهۆیەوە دوو پۆلیس کوژراون.
بە پێی زانیارییەکان هێرشەکە بە نیشانە شکێن ئەنجامدراوە و جگە لە کوژرانی دوو پۆلیس، پۆلیسێکی دیکە بریندار بووە.
ماوەیەکە چەكدارانی داعش جموجوڵ و چالاكیی سەربازییان دەستپێكردووەتەوە و دوایینیان هێرشەكەی عزێم لە پارێزگای دیالە بوو كە 11 سەرباز و ئەفسەری سوپای عێراقی تیادا كوژران.
