پڕۆژەی كێڵگەی پەلەوەریی دیوانییە بە هەماهەنگی لەگەڵ بەڕێوەبەرایەتیی گشتیی كشتوكاڵی پارێزگاكە، هەڵمەتێكیان بۆ فرۆشتنی هێلكە بە هاوڵاتییانی هەژار لە خوار نرخی بازاڕەوە دەستپێكردووە.
لەو هەڵمەتەدا بارهەڵگری پڕ لە هێلكە بە گەڕەكەكاندا دەگەڕێن و تەبەقێك هێلكە بە پێنج هەزار دینار بە هاوڵاتییان دەفرۆشن.
هەڵمەتەكە لە كاتێكدایە ماوەی چەند رۆژێكە نرخی تەبەقێك هێلكە لە شارەكانی هەرێمی كوردستان و ناوەڕاست و باشووری عێراق بۆ حەوت تا حەوت هەزار و 500 دینار بەرزبووەتەوە و ناڕەزایی لای هاوڵاتییان دروستكردووە.
