دابەشكردنی مووچە لە هەرێمی كوردستان بە سستی بەردەوامە و بڕیارە سبەی دووشەممە مووچەی وەزارەتێك و چەند توێژێك دابەشبكرێت.
حكومەتی هەرێمی كوردستان بەردەوامی دەدات بە دابەشكردنی مووچەی مانگی كانوونی دووەم و بەپێی زانیارییەكان، بڕیارە سبەی مووچەی وەزارەتی شەهیدان و ئەنفالکراوان، کەسوکاری شەهیدان و ئەنفالکراوان، زیندانییانی سیاسی، هێزەکانی زێرەڤانی، بەرگری و فریاکەوتن و لیوای نەوت و غاز دابەشبکرێت.
ڕۆژی سێشەممە 25ی ئەم مانگە دەست بە دابەشکردنی مووچەى مانگی كانوونى دووه‌م كرا و یەکەم شوێن وەزارەتی تەندروستی مووچەی وەرگرت، ئەمڕۆ وەزارەتی ناوخۆ و بەڕێوەبەرایەتیی گشتیی ڕەگەزنامەی هەرێم مووچەكانیان وەرگرت.
