یانەی بەرشلۆنەی ئیسپانی بە بارودۆخێکی خراپدا تێپەڕدەکات، لە زۆرینەی خول و پاڵەوانێتییەکان ماڵئاواییکردووە.
یانەی بەرشلۆنە لەم وەرزەدا (2021-2022) لە خولی یانە پاڵەوانەکان لە قۆناغی کۆمەڵەکانەوە ماڵئاواییکردووە، جامی سوپەری ئیسپانیای بە ڕیاڵ مەدرید دۆڕاندووە، هەروەها لە جامی شای ئیسپانیا بەرامبەر ئەتلەتیک بلباو شکستیهێناوە.
لە خولی ئیسپانیاش، بارسا خاوەنی 35 خاڵە و بە جیاوازی 15 خاڵ دوای ڕیاڵ مەدریدی یەکەمی ڕیزبەندی کەوتووە.
خولی ئەوروپا (یوروپا لیگ) تاکە خولە یانە کەتەلۆنییەکە تیایدا کارایە، بەڵام لەو پاڵەوانێتیەشدا تیروپشک خستوویەتیە بەرامبەر یانەی ناپۆلی و ئەرکی قورسە.
بەراورد بە سەردەمی ڕۆناڵد کومان، بەرشلۆنەی چاڤی 14 یاری لە چامپیۆنزلیگ و سوپەر و جامی شا کردووە، شەش بردنەوە، 4 یەکسانبوون، 4 دۆڕاندنیان تۆمارکردووە.
لەسەردەمی ڕۆناڵد کومان لە 13 یارییدا 5 بردنەوە، 3 یەکسانبوون، 5 دۆڕاندنیان تۆمارکردووە.
