وه‌زاره‌تی دارایی و ئابوریی حكومه‌تی هه‌رێمی كوردستان، بڕیارێكی گومركی بۆ كردنه‌وه‌ی بنكه‌ی گومركی تیله‌كۆ له سنووری ئیداره‌ی گه‌رمیان ده‌ركرد.
لە نووسراوێكى وه‌زاره‌ته‌كه‌دا كه واژووى ئاوات شێخ جه‌ناب، وه‌زیری دارایی له‌سه‌ره هاتووە، “پاڵپشت به مادده‌ی (5) له یاسای گومرگی ژماره 23ی ساڵی 1984ی هه‌مواركراو، بڕیاردرا به دامه‌زراندنی بنكه‌ی گومرگی به‌ناوی “بنكه‌ی گومرگی تیله‌كۆ” له مه‌رزی تیله‌كۆ بۆ ئه‌نجامدانی هه‌ڵسوكه‌وتی گومرگی و پێویست بۆ ئاڵوگۆڕی بازرگانی”.
هه‌ر به‌پێی نووسراوه‌كه، بنكه گومرگییه‌كه له‌ڕووی ئیداری و داراییه‌وه ده‌به‌سترێته‌وه به به‌ڕێوه‌به‌رایه‌تیی گومرگی گه‌رمیانه‌وه.
