بە تۆمەتی بڕینەوەی 30 درەختی سروشتی لە سنووری قەزای چەمچەماڵ دوو کەس دەستگیرکران.
بەڕێوەبەرایەتیی پۆلیسی دارستان و ژینگەی سلێمانی بڵاویکردەوە، “مەفرەزەیەكی بنکەی پۆلیسی دارستانی ئاغجەلەری سەر بە بەشی پۆلیسی دارستانی چەمچەماڵ لە ئەنجامی گەڕان و پشکنینی سنوورەکەیان توانیان دوو هاوڵاتیی دەستگیر بکەن لە سنووری گوندی کانی بی سەرقاڵی بڕینی درەختی سروشتی بوون و 30درەختی سروشتیان بڕیبووەوە”.
ئاماژەی بەوەش کرد، “توانراوە دەستبگیرێت بەسەر یەک مشاری دار بڕینەوە، یەک تەور، ئۆتۆمبێلێک کە درەختەکانیان پێدەگواستەوە”.
