بەڕێوەبەرایەتیی هاتوچۆی هەولێر شۆفێران ئاگاداردەكاتەوە، پێویست ناكات سەردانیان بكەن بۆ گۆڕینی مۆڵەتەكەیان، ئەگەر مۆڵەتەكەیان بەسەر نەچووبێت، چونكە لە سیستمی نوێی مۆڵەتدا، بە مۆڵەتی جۆری B دەتوانرێت پیكابی تاك و دەبڵ لێبخوڕن”.
بەپێی ئاگادارییەكی بەڕێوەبەرایەتیی هاتوچۆی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، “سەرجەم هاوڵاتییان و شوفێران كە سەردانی بەشی مۆڵەتی هاتوچۆی هەولێر دەكەن بە مەبەستی گۆڕینی مۆڵەتە تایبەتەكانیان بۆ مۆڵەتی سیستمی نوێ تا وەكو بتوانن بە مۆڵەتەكە (پیكاب) لێبخوڕن، ئاگاداردەكەینەوە ئەگەر مۆڵەتەكانیان بەسەر نەچووبێت، پێویست ناكات سەردان بكەن و هەر بە مۆڵەتە تایبەتە كۆنەكانیان دەتوانن( پیكاب) لێبخوڕن”.
لە راگەیەندراوەكەدا هاتووە، ” لە سیستمی نوێی مۆڵەتدا، بە مۆڵەتی جۆری B دەتوانرێت پیكابی تاك و دەبڵ لێبخوڕن”.
