لەهێرشێکی تورکیا و گروپە چەكدارە گرێدراوەكانی، کە ئەمڕۆ شەممە بۆسەر ڕۆژهەڵاتی عەین عیسا ئەنجامیاندا، دوو هاوڵاتی شەهیدبوون و دووانی دیکەش برینداربوون، هەسەدەش پێنچ چەكداری سوریی كوشتووە.
هێزەکانی سوریای دیموکرات بڵاویکردەوە، بەیانیی ئەمڕۆ تورکیا و گروپە چەكدارە گرێدراوەكانی هێرشێکی زەمینییان بۆسەر گوندەكانی مشێرفە و جەبهەل لە ڕۆژهەڵاتی عەین عیسا ئەنجامداوە، پێکدادان لەنێوان هێزەکانی سوریای دیموکرات و گروپە چەكدارییەكان ڕوویداوە.
هەسەدە ئارگرایكردووە، پێنج چەکداری گروپەكانی نزیك لە توركیا کوژراون و تەرمی دووانیان لای هێزەکانی سوریای دیموکراتە.
هەروەها بەهۆی هێرش و بۆردوومانەكانەوە دوو هاوڵاتیی مەدەنی شەهیدبوون و دووانی دیكەش بریندار بوون.
ئەو هێرشانەی تورکیا و گروپە سورییە گرێدراوەكانی، هاوگاتە لەگەڵ هێرشی دوێنێی داعش بۆسەر زیندانیی غوێران لە حەسەکە و هەڵاتنی ژمارەیەک چەکداری داعش لە زیندانەکە، كە دواتر دەیانیان لێدەستگیركرانەوە و ژمارەیەكیشیان كوژران.
