هاوپەیمانان لە سنووری ئیدارەی خۆسەر وێنە و نووسراو بڵاودەکەنەوە

هاوپەیمانیی نێودەوڵەتی دژی داعش لە ئاسمانەوە چەند وێنە و نووسراوێک بەسەر ئاسمانی دیرەزووردا بڵاودەکەنەوە، خەڵکی ئاگاداردەکاتەوە لە مەترسیی بوونی چەکدارانی داعش و سەرکردەکانیان.

هاوپەیمانیی نێودەوڵەتی دژی داعش، ئەمڕۆ لە ئاسمانەوە دانیشتووانی گوندەواری دیرەزووری ڕۆژهەڵاتی ئاگادارکردووەتەوە لە مەترسیی بوونی چەکدارانی داعش و هێرش لە ناوچەکەدا.

ئەو ناوچەیەی کە وێنە و نووسراوەکانی تێدا بڵاوکراونەتەوە، لەژێر دەسەڵاتی هێزەکانی سوریای دیموکراتدایە و دەکەوێتە سنووری ئیدارەی خۆسەرەوە.

له‌ دووی تشرینی دووه‌می ڕابردوو، فڕۆكه‌ی هاوپه‌یمانان ئاگادارییه‌كی بڵاوکردبووەوە، ئه‌گه‌ر هه‌ركه‌سێک شوێنی “مه‌ناف عه‌لی ئه‌لعالی” بزانێت ئاگا‌داریانبكاته‌وه، چونكه‌ ناوبراو سه‌ركرده‌یه‌كی داعشه‌ و له‌ گوندی ئه‌لزری ڕۆژهه‌ڵاتی دێره‌زوور نیشته‌جێ بووە.

بەهۆی بوونی پانتاییەکی گەورە لە دەوروبەری دیرەزوور، چەکدارانی داعش هێشتا لەو ناوچانە بوونیان ماوە، تا ئێستا چەندین ئۆپەراسیۆن بە هاوبەشی لەنێوان هەسەدە و هاوپەیمانان لە دژی داعش لەو ناوچانە ئەنجامدراون.

بابەتی پێشتر

یەکێتی دژی بەئامانجگرتنی پرۆسەی دیموكراسیی عێراقە

بابەتی دواتر

بازرگانێکی ماددەی هۆشبەر لە هەولێر ئەفسەرێکی پۆلیسی بریندارکرد

بابەتی پەیوەندیدار
زیاتر ببینە

وه‌زاره‌تى ناوخۆ ڕێنمایی و مه‌رجى پله‌به‌رزكردنه‌وه‌ى ئه‌فسه‌رانى بڵاوكرده‌وه‌

وه‌زاره‌تی ناوخۆی هه‌رێم ڕێنماییه‌كانی پله‌به‌رزكردنه‌وه‌ی ئه‌فسه‌رانی بڵاوكرده‌وه‌ و مه‌رجى پله‌ به‌رزركردنه‌وه‌كه‌ش ئەوەیە، ده‌بێت ئه‌فسه‌ره‌كه‌ ده‌رچووی كۆلێژی پۆلیس بێت…
Total
0
Share