جۆسێپ گواردیۆلای ئیسپانی، جەختی كردەوە لەوەی لە ئینگلتەرا جگە لە مانچستەر سیتی، سەرپەرشتی هیچ یانەیەكی تر ناكات.
پێش ڕووبەڕووبونەوەی یانەی ساوسامپتۆن، گواردیۆلا ئاماژەی بەوەدا كە ئەو لە مانچستەر سیتی هەموو شتێكی بۆكراوەو هەموو داواكارییەكانیشی جێبەجێكراون.
وتیشی: “ڕۆیشتنم لە مانچستەر سیتی بە ڕێكەوتنی هەردولادەبێت و دەمەوێت بە دۆستانە ڕیزەكانی جێبهێڵم.”
گواردیۆلا پێیوایە ئەو لە سیتی هەموو شتێكی بۆ كراوەو هەرگیز لە ئینگلتەرا سەرپەرشتی یانەیەكی تر ناكات كە دژییان بوەستێتەوە.
ڕاهێنەرە ئیسپانییەكە ئەوەشی نەشاردەوە كە داهاتووی ئەو بەندە بە ئەنجامەكانییەوە و پێویستە لە كاركردن و باشتركردنی تیپەكە بەردەوام بێت.
