تەندروستیی سلێمانی تۆماركردنی دەیان تووشبووی گۆڕاوی ئۆمیكرۆنی ڕاگەیاند.
سەباح هەورامی، بەڕێوەبەری گشتیی تەندروستیی سلێمانی، دوای كۆنفرانسێكی ڕۆژنامەوانی، بە بەشێك لە میدیاكانی ڕاگەیاند، لە سلێمانی 42 تووشبووی گۆڕاوی ئۆمیكرۆن تۆماركراون.
ئەمە یەكەمجارە لە سلێمانی تووشبووی گۆڕاوەكە تۆماربكرێت، لەكاتێكدا پێشتر لە دهۆك پێنج تووشبوو تۆماركرابوون، كە ئەندامی خانەوادەیەك بوون.
پێش ئەوەی سەباح هەورامی ئەو هەواڵە بە میدیاكان بدات، لە كۆنفرانسێكی ڕۆژنامەوانیدا ڕایگەیاند، ژمارەیەك گومانلێكراوی تووشبووی ئۆمیكرۆن هەن و ئێوارەی ئەمڕۆ یەكلادەبنەوە بەوەی تووشبووی گۆڕاوەكە بن، یان نا.
