وەزارەتی تەندروستیی هەرێمی کوردستان ئاشکرایکرد، تاقیگەکانیان بە پێداویستییەکانەوە بۆ دەستنیشانکردنی گۆڕاوی ئۆمیکرۆن دابینکردووە و ڕۆژانە دەیان حاڵەت پشتڕاستدەکەنەوە.
لە ڕاگەیەندراوێکدا دکتۆر سامان بەرزنجی وەزیری تەندروستیی هەرێمی کوردستان بڵاویکردەوە، لەڕێگەی تاقیگەکانی ناوەندیی تەندروستیی گشتییەوە بەردەوامن لە جیاکردنەوە و دەستنیشانکردنی جۆری نوێی ڤایرۆسی گۆڕاوی ئۆمیکرۆن لە هەرێمی کوردستان.
وەزیری تەندروستی دەڵێت، “كیت و پێداویستییە تایبەتەکان بەدەستنیشانکردنی گۆڕاوی ئۆمیکرۆن دابینکراون و ڕۆژانە دەیان حاڵەتی ئۆمیکرۆن لە هەرێمی کوردستان پشتڕاستدەکرێنەوە”.
