هاتوچۆی سلێمانی ڕایدەگەیەنێت، شەقامی 60 مەتری و سەرجەم سەر پردەكان بەستەڵەك بوون و شۆفێریكردن تیایاندا مەترسیدارە.
بەڕێوەبەرایەتیی هاتوچۆی پارێزگای سلێمانی لە ئاگادارییەكدا بۆ شۆفێران دەڵێت، لەئێستادا کۆی گشتیی شەقامی بازنەیی مەلیک مەحمود (60 مەتری) و سەرجەم سەر پردەکان بەستەڵەک بوون و شۆفێریکردن تیایاندا مەترسیدارە و ئەگەری کەوتنەوەی ڕووداوی مەترسیداری ھاتوچۆی هەیە.
داواش لە هەمووان دەكات لەبەر سەلامەتی گشتی و خۆیان، ئەمشەو و سەرلەبەیانیی سبەی شۆفێری نەکەن و سەردانی ناوچە شاخاوییەکان نەکەن.
