(ڤیدیۆ) به‌ هاتریکی لیڤاندۆڤیسکی، بایرن بردنه‌وه‌ی به‌رامبه‌ر کولن تۆمارکرد

یانه‌ی بایرن میونشن ڕووبه‌ڕووبوونه‌وه‌ی هه‌فته‌ی 19ی خولی ئه‌ڵمانیای به‌رامبه‌ر کولن ئه‌نجامدا، یارییه‌که‌ش به‌ بردنه‌وه‌ی باڤارییه‌کان کۆتاییهات.

ئه‌مشه‌و شه‌ممه‌، له‌ چێوه‌ی یارییه‌کانی هه‌فته‌ی 19ی خولی پله‌ یه‌کی ئه‌ڵمانیا، یانه‌ی کولن له‌ ڕاین ئینێرجی ستادیه‌م میوانداریی یانه‌ی بایرن میونشنی کرد، یارییه‌که‌ به‌ ئه‌نجامی چوار گۆڵی بێوه‌ڵام له‌ به‌رژه‌وه‌ندیی یانه‌ی میوان کۆتاییهات.

گۆڵه‌کانی بایرن له‌ خوله‌که‌کانی نۆ، 25، 62، 74 له‌لایه‌ن ڕۆبێرت لیڤاندۆڤیسکی (هاتریک)، کۆرنتین تۆلیسۆوه‌ تۆمارکران.

به‌پێی ئه‌نجامه‌که‌، بایرن به‌ کۆکردنه‌وه‌ی 46 خاڵ له‌ پله‌ی یه‌که‌می ڕیزبه‌ندیی یانه‌کانی ئه‌ڵمانیا جێگیربوو، هه‌روه‌ها یانه‌ی کولن به‌ 28 خاڵه‌وه‌ له‌ پله‌ی هه‌شته‌م به‌ ناجێگیری مایه‌وه‌.

ئه‌نجامه‌کانی دیکه‌:

ماینز 1-0 بوخوم

شتوتگارت 0-2 لایپزیک

یونایه‌ن به‌رلین 2-1 هۆفنهایم

ڤۆلفسبۆرگ 0-0 هێرتا به‌رلین