بۆمبێکی چێندراو کە لە قۆرییەکی چایدا دانرابوو، بە شوانێکدا تەقییەوە.
ڕاگەیاندنی وەزارەتی پێشمەرگەی كوردستان بڵاویكردەوە، ئەمڕۆ شەممە لە ناوچەی گەرمەسێر بۆمبێکی چێندراو کە لەلایەن تیرۆریستانی داعشەوە دانرابوو، بە شوانێکدا تەقییەوە.
بەپێی ڕاگەیەندراوەكە، بۆمبەكە لە قۆرییەکی چایدا دانرابوو و دواتر بە شوانەكەدا تەقیوەتەوە، بەڵام زیانی گیانی نەبووە و شوانەكە سەلامەتە.
دوای ئۆپەراسیۆنە هاوبەشەکەی ماوەی ڕابردووی نێوان هێزەکانی پێشمەرگە و سوپای عێراق لە سنووری میحوەری دووی گەرمەسێر و پاککردنەوەی ناوچەیەکی بەرفراوانی زەوی لە دەستی تیرۆریستانی داعش و خاپووركردنی مۆڵگەكانیان، ئەمە یەكەم ڕووداوی تەقینەوەی بۆمبی چێندراوە لە ناوچەكەدا.
