گفتوگۆكانی یانەی پاریس سان جێرمان بۆ نوێكردنەوەی بۆندی مباپێ دەستیپێكردووە و لە قۆناغەكانی كۆتاییدایە.
یانەی پاریس سان جێرمان نایەوێت بە خۆڕایی دەستبەرداری مباپێ ببێت و دەیەوێت بۆ وەرزێك یان دووان گرێبەستەكەی درێژبكاتەوە.
بۆ ئەو مەبەستەش بڕیاریانداوە بڕێك پارە وەك پاداشت بدەنە مباپێ لەپای نوێكردنەوەی گرێبەستەكەی.
سەرباری ئەوەش، مباپێ هێشتا خەونی یاریكردنە بۆ یانەی ڕیاڵ مەدرید و سوورە لەسەر جێهێشتنی فەرەنسا.
گرێبەستی مباپێ لە 30ی حوزەیرانی ئەمساڵ كۆتایی دێت و ئیدارەی پاریسیش دەیەوێت بۆ ساڵێك یان دووان لە یانەكە بیهێڵێتەوە.
