وەزارەتی کارەبای هەرێمی کوردستان ئاگاداری قەزای کفری و دەوروبەری دەکاتەوە کە کارەبای نیشتمانییان کەمدەبێتەوە بەهۆی زیان گەیشتن بە هێڵەکانی کارەباوە.
لە ڕاگەیەندراوێکدا وەزارەتی کارەبای هەرێمی کوردستان ئاشکرایکرد، “بەهۆی باران و لێدانی هەورەبروسکەوە، ئەمڕۆ یەکێک لە گۆڕەڕەکانی وێستگەی 132kv کفری دەرچووە لەخزمەت، بەهۆی سوتانی یەکێک لە دژە بروسكەكانی( مانیعە صواعق)”.
وەزارەتی کارەبا ئاگاداری هاوڵاتییانی شارۆچکەی کفری و ناحیەکانی دەوروبەری دەکاتەوە کە پێدانی كارەبای نیشتمانی کەمدەبێتەوە تا چارەسەرکرنی گرفتەکە.
پێشتریش بەڕێوەبەرایەتیی دابەشکردنی کارەبای سلێمانی ڕایگەیاند، بەهۆی بارانبارینەوە هێڵی گواستنەوەی وزەی کارەبای 123کەیڤی ئەزمەڕ – دەربەندیخان زیانی پێگەیشتووە، بەڵام لەئێستادا ئەو کێشەیە چارەسەرکراوە.
