چاڤی هێرناندێز ڕاهێنەری بەرشلۆنە، دڵخۆشە بە ئاستی یاریزانەكانی بەڵام دڵتەنگە بەو ئەنجامەی بەدەستیانهێناوە.
چاڤی پێیوایە ئەوان شایستەی ئەوە بوون بگەنە یاریی كۆتایی و ئاستێكی بەرزیان پێشكەشكردووە.
ئاماژەی بەوەشدا كە ڕكابەرەكەیان تەنها پشتیان بە هێرشی هەڵگەڕاوە بەستووە.
پوختەی قسەكانی چاڤی
– هیچ جیاوازییەك لەنێوان ئێمە و مەدرید-دا نییە، دەبێت متمانەمان بەخۆمان هەبێت
– تەنها 20 خولەكی سەرەتا باشنەبووین
– ئەم بەرشلۆنەیە دەتوانێت ڕكابەریی هەموو تیپێك بكات تەنانەت گەر ئەنجامەكەش بە دڵی ئێمە نەبێت
– پێموایە لە ڕیاڵ مەدرید باشتربووین
– تووڕەین و ئەنجامەكەمان بە دڵ نییە، بەڵام تیپەكە گەشەی باشی كردووە
– ئەوان لە هێرشی هەڵگەڕاوەدا باشتربوون
– شانازی بە تیپەكەمەوە دەكەم، شایستەی بردنەوە بووین
– دڵخۆشم بە ئاستمان بەڵام دڵتەنگم بە ئەنجامەكە
– پێدری و فاتی و فیران توریس پێویستییان بە كاتە
– بەرشلۆنە شایستەی گەیشتن بوو بە یاریی كۆتایی
