له دانیشتنه‌كه‌ى ئه‌مڕۆی ئه‌نجومه‌نى نوێنه‌ران محه‌مه‌د حه‌لبووسی به‌سه‌رۆكى ئه‌نجومه‌نه‌كه هه‌ڵبژێردرایه‌وه و چێوه‌ى هه‌ماهه‌نگیی شیعه‌كان و چه‌ند لایه‌نێكى دیكه‌ش بایكۆتى دانیشتنه‌كه‌یان كرد.
كه‌مێك له‌مه‌وبه‌ر پرۆسه‌ى جیاكردنه‌وه‌ى ده‌نگى كاندیدانى سه‌رۆكى ئه‌نجومه‌نى نوێنه‌ران به‌ڕێوه‌چوو، له‌كۆی ده‌نگى 228 ئه‌ندامى به‌شدار له كۆبوونه‌وه‌كه‌دا 200 ده‌نگ به محه‌مه‌د حه‌لبووسی دران و مه‌حمود مه‌شهه‌دانى ڕكابه‌ریشی 14 ده‌نگى به‌ده‌ستهێنا، به‌وه‌ش محه‌مه‌د حه‌لبووسی جارێكى دیكه به سه‌رۆكى ئه‌نجومه‌نى نوێنه‌ران هه‌ڵبژێردرایه‌وه.
هاوكات به‌هۆی بایكۆتی چێوه‌ى هه‌ماهه‌نگیی شیعه‌كان و به‌شێكى دیكه له لایه‌نه‌كان مه‌حمود مه‌شهه‌دانى كه‌مترین ده‌نگى به‌ده‌ستهێنا.
