هیچ شتێک لەئێستادا بۆ سەرۆکی یانەی ڕیاڵ مەدرید هێندەی کڕینی کیلیان مباپێ و ئێرلینگ هالاند گرنگتر نییە، هەنگاوەکانیشی بۆ ئەو جووڵە گەورەیە دەستپێکردووە.
تۆڕی “ئەی بی سی”ی ئیسپانی لەزاری چەند سەرچاوەیەکی ناوخۆیی ڕیاڵ مەدریدەوە ئاشکرایکردووە، گواستنەوەی مباپێ بێبەرامبەرە، بەڵام ڕیاڵ مەدرید دەبێت زیاتر لە 30 ملیۆن مووچەی ساڵانە، 40 ملیۆن پاداشت بۆ لێپرسراوی کاروباری یاریزانەکە تەرخانبکات، هەروەها بۆ گواستنەوەی هالاند پێویستی بە 75 ملیۆن، هەروەها 40 ملیۆن پاداشت بۆ مینۆ ڕایۆلای لێپرسراوی کارەکانی و 35 ملیۆن مووچەی ساڵانە دەبێت.
بۆ ئەم مەبەستە، پێرێز بڕیاریداوە لە کۆتایی وەرزدا و دوای کۆتاییهاتنی گرێبەستەکانیان، بۆندی ئیسکۆ، گاریس بەیل، مارسێلۆ نوێنەکاتەوە، بەو هەنگاوەش 30 ملیۆن مووچەی بەیل، 35 ملیۆن موچەی دوو یاریزانەکەی دیکە، کە بەهەرسێ یاریزانەکە (65) ملیۆنە پاشەکەوت بکات بۆ گواستنەوەی مباپێ و هالاند.
“ئەی بی سی” نووسیویەتی، ئەگەر پێویستبکات، سەرۆکە ناودارەکەی یانەی شاهانە ئیدین هازاردیش دەخاتە ناو هاوکێشەکەوە، لە ڕێگەی فرۆشتنی یاریزانەوە زیاتر لە 40 ملیۆنی دیکە، جگە لە تێچووی گواستنەوەی دەخاتە سەر هەژماری بانکیی یانەکەی.
