بڕیارە ئەمڕۆ تۆماس تۆخێل، ڕاهێنەری چێڵسی لەگەڵ ڕۆمیلۆ لوكاكۆی هێرشبەری بەلجیكی كۆببێتەوە لەبارەی ئەو ناكۆكییانەی بەمدواییە كەوتە نێوانیان.
لوكاكۆ لە ڕاگەیاندنەكان ئاشكرایكرد، بەشێوازی یاریكردنی لە یانەی چێڵسی ڕازی نییە، بەڵام هەوڵ دەدات لەگەڵ پلانەكانی تۆخێل خۆی بگونجێنێت.
هەر دوای ئەو قسانە، تۆخێل سزای ڕۆمیلۆ لوكاكۆی دا و لە یارییەكەی لیڤەرپوڵ دووریخستەوە.
بڕیارە ئەمڕۆ بۆ چارەسەركردنی كێشەكانی ڕاهێنەر و هێرشبەرەكە، بە سەرپەرشتیی بەڕێوەبەری كارەكانی یانەكە، كۆبوونەوەیەك ئەنجام بدرێت.
لەو كۆبوونەوەیەدا بڕیار لەسەر فرۆشتن یان مانەوەی هێرشبەرەكە دەدرێت، ئەگەر داوای لێبوردن بكات، دەمێنێتەوە.
