تیمی لۆس ئەنجلس لەیکەرز لە یەکەمین ڕووبەڕووبوونەوەی ساڵی 2022 بردنەوەیەکی گەورەی بەرامبەر پۆرتلاند تۆمارکرد.
تیمە بەشدارەکانی خولی یانە پیشەگەرەکانی ئەمریکا (NBA)، ڕووبەرووبوونەوەکانی هەفتەی 36 و یەکەمین یارییەکانی ساڵی نوێ (2022)یان ئەنجامدا، مالیک مۆنکی ئەستێرەی لاوی تیمی لەیکەرز 10 خولەک پێش کۆتاییهاتنی ڕووبەڕووبوونەوەی تیمەکەی بەرامبەر پۆرتلاند بە تۆمارکردنی خاڵێکی هونەریی ناوازە نمایشێکی مێژوویی مایکڵ جۆردانی ئەفسانەی دووبارەکردەوە.
تیمی لۆس ئەنجلس لەیکەرز بە ئەنجامێکی فراوان 103-79 (جیاوازیی 24 خاڵ)، بردنەوەی بەرامبەر تیمی پۆرتلاند ترەیڵ بلایزەرز تۆمارکرد، ئەوەش دەکاتە 18 بردنەوە لە کۆی 36 یاریی ئەم وەرزەی (NBA).
ئەنجامەکانی دیکە بەمجۆرە بوون:
ساکرامینتۆ 96-112 ماڤرێکس
هیوستن 110-120 مەیامی هیت
کاڤالێرز 118-121 ئەتلانتا
ڕاپتۆرز 116-108 کلیپەرز
گریزلیس 118-105 سپێرز
ئۆکلاهوما 95-80 نیکس
یوتا جاز 120-108 مینیسۆتا
