دەستەی كەشناسیی عێراق پێشبینیدەكات هەفتەی داهاتوو شەپۆلێكی بەفر و بارانبارین هەرێمی كوردستان بگرێتەوە.
دەستەی كەشناسیی عێراق پێشبینییەكانی بۆ كەشوهەوای چەند ڕۆژی داهاتووی شارەكانی هەرێمی كوردستان و عێراق بڵاوكردەوە و دەڵێت، سەرەتای شەپۆلەكە شەوی شەممە یەكی كانوونی دووەمی 2022 دەبێت و لە گشت ناوچەكانی هەرێمی كوردستان باران دەبارێت.
ڕایگەیاندووە، بەشی دووەمی شەپۆلەكە ڕۆژی دووشەممەی داهاتوو سەرهەڵدەدات و لێزمەباران و تەرزە هەرێمی كوردستان دەگرێتەوە، لە ناوچە شاخاوییەكان و بەشێك لە شار و شارۆچكەكانی هەرێمی كوردستان بەفردەبارێت و ئەگەری دروستبوونی لافاو دێتەئاراوە.
بەپێی پێشبینییەكانی دەستەكە، هەفتەی داهاتوو لە ناوچەكانی باشووری عێراق بارانی پچڕپچڕ دەبارێت.
