کەشناسیی هەرێمی کوردستان کەشوهەوای ئەمڕۆ و سبەینێی ناوچەکانی هەرێمی کوردستانی بڵاوکردەوە، بەپێی پێشبینییەکان ئەمڕۆ و سبەینێ خۆڵبارین دەبێت.
پێشبینییەکانی بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان دەریدەخات، ئەمڕۆ و سبەینێ لە پارێزگاکانی هەولێر، سلێمانی، دهۆک، هەڵەبجە و کەرکوک ئاسمان ساماڵ دەبێت، لەگەڵ بوونی تۆزێکی سووک.
پێشتر دەستەی کەشناسیی عێراق هۆشداریی لە شەپۆلێکی خۆڵبارینی چڕ دا، کە ڕۆژی یەکشەممە دەستپێدەکات و تاوەکو سێ شەممە بەردەوام دەبێت، خۆڵبارینەکە هەردوو پارێزگای هەولێر و سلێمانیش دەگرێتەوە و پلەکانی گەرما چوار بۆ پێنج پلە دادەبەزن.
