وه‌زاره‌تى شاره‌وانی و گه‌شتوگوزارى حكومه‌تى هه‌رێمى كوردستان، كۆكردنه‌وه‌ى پاره‌ى تابلۆی سەر دوكان و شوێنە بازرگانیەكان ده‌داته كۆمپانیایه‌ك.
له بڕیارێكدا وه‌زاره‌تى شاره‌وانی و گه‌شتوگوزارى هه‌رێمى كوردستان كۆكردنه‌وه‌ى پاره‌ى تابلۆی سەر دوكان و شوێنە بازرگانیەكانى دایه كۆمپانیایه‌ك به‌ناوى (بیڤان)، كۆمپانیاكه هەڵدەستێت بە كۆكردنەوەی پارەی تابلۆی شوێنە بازرگانیەكان.
وەزارەتی شارەوانیی هەرێم نرخی تابلۆی دوكان و شوێنە بازرگانییەكانی بەپێی شوێنی تابلۆ و قەبارەكەی دیارییكردووە، تابلۆی سەرەكیی سەر شوێنەكان به 30 هەزار دینار و تابلۆی سەر بیناكان و تەنیشیتیان به 20 هەزار دینار دیاریكراون، هه‌روه‌ها تابلۆی لەیزەری یان تەلەڤیزیۆنی به 120 هەزار دینارە.
لە هەمان پرۆسەدا، جگە لە پارەی تابلۆ، چەند پارەیەكی دیكەش لە خاوەن دوكان و شوێنە بازرگانییەكەن وەردەگیرێت و چەند جۆرێكی سزا دیاریكراون:
فڕیدانی خۆڵ و خاشاك: 50 هەزار دینار
دانەنانی حاویەی خۆڵ: 75 هەزار دینار
دانانی كەرەسەتەی زیادە: 250 هەزار دینار
بەفیڕۆدانی ئاو: 100 هەزار دینار
بەكارهێنانی شۆستە و شەقام: 500 هەزار دینار
دروستكردنی چەرداخ و جەمەلۆن: 500 هەزار دینار
