كه‌شناسیی هه‌رێم ڕێژه‌ى به‌فربارینى له ناوچه جیاجیاكانى هه‌رێم بڵاوكرده‌وه و پێشبینیی ئه‌وه‌ش ده‌كات سبه‌ی شه‌و شه‌پۆلی بارانبارین كۆتایی دێت.
به‌ڕێوه‌به‌رایه‌تیی كه‌شناسیی و بومه‌له‌رزه‌زانى هه‌رێمى كوردستان له ڕاگه‌یه‌ندراوێكدا ئاماژه‌ى به‌وه‌كردووه، ئه‌مڕۆ كه‌ش سارد و هه‌وراویی ده‌بێت، له‌گه‌ڵ نمه‌باران و بارینى به‌فر له‌سه‌ر لوتكه‌ى شاخه به‌رزه‌كان.
هه‌روه‌ها به‌رزترین پله‌ى گه‌رمى له هه‌ولێر 10 پله، سلێمانى 10، دهۆك نۆ پله، هه‌ڵه‌بجه 11 و كه‌ركوك 12 پله ده‌بێت.
كه‌شناسی پێشبینى ئه‌وه‌ى كردووه، سبه‌ینێ ئاسمان له‌كاتى به‌یانى زوودا هه‌وربێت و له‌گه‌ڵ ئه‌وه‌شدا ئاستى باران و به‌فربارن له ناوچه شاخاوییه‌كان زیاتربێت.
هه‌ر به‌پێی پێشبینییه‌كانى كه‌شناسی له‌شه‌ودا بارانبارین كۆتایی دێت.
سبه‌ینێ به‌رزترین پله‌ى گه‌رمى له هه‌ولێرنۆ پله، سلێمانى نۆ پله، دهۆك 8 پله، هه‌ڵه‌بجه 10 پله و كه‌ركوك 12 پله ده‌بێت.
ڕێژەى بەفر بارین لە هەندێک شوێن به‌مشێوه‌یه:
1- حاجی ئۆمەران 12 سم
2- مەرزى کێلێ 20 سم
3- کانی ماسی 5 سم
4- بامەرنێ 1سم
5- چیاى سەفین 1سم
لە چیاکانی ئاراس ، کارۆخ ، هندرێن باریوە
