لە پەیامێكی پیرۆزباییدا كە ئاڕاستەی جۆ بایدنی كردووە، كازمی هیواخوازە پەیوەندییه ستراتیجییەکانی نێوان هەردوو وڵات “بەهێزتربن”.
لە پەیامێكی پیرۆزباییدا كە بە هەرسێ زمانی عەرەبی وئینگلیزی و كوردی لە تویتەر نوسیوێتی، مستەفا كازمی، سەرۆكوەزیرانی عێراق دەڵێت، “پیرۆزبایی پێشکەش بە سەرۆکی هەڵبژێردراوی ئەمەریکا جۆ بایدن و جێگری سەرۆک کەمالا هاریس دەکەم، دەخوازم پەیوەندییه ستراتیجییەکانی نێوان هەردوو وڵاتمان بەهێزتربن”.
لە بەشێكی تری پەیامەكەیدا كازمی ئاماژەی بەوەكردووە، “بەرەو ئایندەیەکی بنەڕەت لەسەر ڕێز و هەماهەنگیی هاوبەش بۆ تێپەڕاندنی تەحەداکان و پشتیوانی لە ئاشتی و ئاسایش و ئۆقرەیی”.
