بەڕێوەبەرایەتیی پۆلیسی سلێمانی رایدەگەیەنێت، نووسینگەی سلێمانی بەرەنگاربوونەوەی تاوانە رێكخراوەكان دەستگیركردنی چوار كەسی بە تۆمەتی بازرگانیكردن بە ئەندامەكانی جەستەی مرۆڤ و كڕین و فرۆشتنی گورچیلەوە راگەیاند.
بەپێی راگەیەندراوێكی بەڕێوەبەرایەتیی پۆلیسی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، نووسینگەی سلێمانی بەرەنگاربوونەوەی تاوانە رێكخراوەكان دەستگیركردنی چوار كەسی بە تۆمەتی بازرگانیكردن بە ئەندامەكانی جەستەی مرۆڤ و كڕین و فرۆشتنی گورچیلەوە راگەیاند كە سێ لە تۆمەتبارەكان بە نەتەوە عەرەبن و -هاوڵاتی باشوور و ناوەراستی عێران، تۆمەتبارەكەی دیكەشی هاوڵاتییەكی كوردە.
هاوكات هەر ئەمڕۆ نووسینگەی سلێمانی بەرەنگاربوونەوەی تاوانە رێكخراوەكان رایگەیاند، ئەو سێ كەسە تاوانی دەڵاڵیكردن (كڕین و فرۆشتنی) گورچیلەیان لە شاری سلێمانی ئەنجامداوە و تۆمەتبارەكان دوێنێ سێشەممە دەستگیركراون و بەپێی ماددەی پێنج لە یاسای كماری 28ـی ساڵی 2012، كە تایبەتە بە بەرەنگاربوونەوەی بازرگانیكردن بە مرۆڤ راگیراون.
