كه‌شناسیى عێراق پێشبینی ده‌كات له سبه‌ینێ ئێواره‌وه شه‌پۆلێكى بارانبارین سه‌رتاسه‌رى عێراق بگرێته‌وه و له چوار پارێزگایش پێشبینى بارانى چڕو به‌لێزمه دەکرێت.
به‌ڕێوه‌به‌رایه‌تیی كه‌شناسیی و بومه‌له‌رزه‌زانى عێراق له ڕاگه‌یه‌ندراوێكدا ئاشكرایكردووه، پێشبینى ده‌كرێت له سبه‌ینێ ئێواره‌وه شه‌پۆلێكى بارانبارین پارێزگاكانى عێراق ده‌گرێته‌وه، به‌ڵام له چه‌ند پارێزگایه‌ك كاریگه‌ریى زیاتری ده‌بێت.
به‌پێی پێشبینییه‌كانى كه‌شناسیی عێراق، له پارێزگاكانى (هه‌ولێر، سلێمانى ، كه‌ركوك و موسڵ) زۆرترین بڕى بارانبارین ده‌بارێت.
كه‌شناسیی عێراق داواشیكردووه، ئه‌و پارێزگانه ئاماده‌كاریی بكه‌ن بۆ دروستنه‌بوونى لافاو.
