ڕۆژ بە ڕۆژ ژمارەی ئەو وڵاتانەی کە ڤایرۆسی ئۆمیکرۆنیان تێدا تۆماردەکرێت زیادتردەبن و ئێستا 90 وڵات لە جیهاندا ئۆمیکرۆنیان تۆمارکردووە، لەگەڵ ئەوەش نزیکترین شوێن لە هەرێمی کوردستانەوە وڵاتی ئێرانە و دوێنێ یەکەم حاڵەت تێیدا تۆمارکرا.
بە پێی زانیارییەکانی ڕێکخراوی تەندروستیی جیهانی نیشانەکانی ڤایرۆسی ئۆمیکرۆن جیاوازێکی ئەوتۆی لەگەڵ نیشانەکانی ڤایرۆسی کۆرۆنا نییە، بەرچاوترین نیشانەش (کۆکەی بەردەوام و تا و لەدەستدانی تام و بۆنە)، کە ئەمە لە تووشبووانی ئۆمیکرۆندا دەستنیشانکراوە.
لەگەڵ ئەوەشدا بە وتەی لێکۆڵینەوەکانی بواری پزیشکی نیشانەکانی ئۆمیکرۆن زیاتر وەک “سەرمابوونێکی قورس” دەردەکەوێت و لە بەریتانیا نەخۆشەکان بەگشتی ئەم نیشنانەیان هەبووە:
(لوتگیران، سەرئێشە، هەستکردن بە هیلاکی زۆر، پژمە، گورگ ئێشە).
