شارەزایەکی بواری کەشناسی و گەردونناسی یەکەم ڕۆژی جەژنی قوربان دیاریدەکات.
سالار حاجی عەلی، شارەزای بواری کەشناسی و گەردونناسی بە تۆڕی میدیایی ئێستای ڕاگەیاند، ڕۆژی 27ـی 5ـی 2026، دەبێتە یەکەم ڕۆژی جەژنی قوربان، چونکە لە بەرواری 16ـی 5ـی 2026، چەند کاتژمێرێک دوای نوێژی خەوتنان، مانگ نوێدەبێتەوە و لە هیچ وڵاتێک نابینرێت.
ڕاشیگەیاند، لە ئێوارەی ڕۆژی 17ـی مانگ، هیلالی مانگ بە ئامێری (تەلەسکۆپ) دەبینرێت، دواتر لە هەمان ڕۆژ، واتە بەرواری 17ـی 5، نوێبوونەوەی هیلالی مانگ لە کاتژمێری (19:30:00) لە 1.1% دەبینرێت، واتە لە ڕۆژی 18ـی مانگ و ڕۆژەکانی دیکە، فەریزەی حەج دەستپێدەکات، تا ڕۆژی 26ـی 5، دەبێتە کۆتا ڕۆژ و ڕۆژی دواتر 27ـی 5، بە یەکەم ڕۆژی جەژنی قوربان هەژماردەکرێت.
