بڕیارە ئەمڕۆ لە سەرجەم شار و شارۆچکەکانی باشووری کوردستان و پارچەکانی دیکە و دەرەوەی وڵاتیش، خۆپشاندانی ‘ملیۆنی’ بۆ پاڵپشتیی کوردانی رۆژئاڤا بەڕێوەبچێت.
کوردانی شارەکانی سلێمانی، هەولێر، کەرکوک و چەندان شوێنی دیکەی باشووری کوردستان پاشنیوەڕۆی ئەمڕۆ بۆ پاڵپشتیی رۆژئاڤای کوردستان دێنە سەر شەقامەکان.
هاوکات بانگەوازی خۆپشاندان لە شارەکانی باکووری کوردستان بڵاوکراوەتەوە و ئەمڕۆ ئەوانیش بۆ پاڵشتیی خوشک و براکانیان لە رۆژئاڤا، خۆپشاندان دەکەن.
کوردانی دەرەوەی وڵاتیش لەو پشتیوانییە بێبەش نابن و لە چەندین وڵات بانگەواز کراوە بۆ پاڵپشتیی رۆژئاڤا، رێپێوان و گردبوونەوە بەڕێوەبچێت.
